ХАГИЙН ХАР НУУР ЯВГАН АЯЛАЛ

Хан Хэнтийн нуруудын гүн тайгад орших үзэсгэлэнт Хагийн хар нуурын чиглэлд явган аяллыг зохион байгуулна. Тус нуур нь моренны мөстлөгийн гулгалтын үйл ажиллагааны үр дүнд бий болсон хунхад тогтсон нуур билээ. Туул голын усжилтын эх ч болдог. Эргэн тойрон уулсаар хүрээлэгдсэн битүү ойн дунд орших уг нуур нь Улаанбаатар хотод хамгийн ойр орших дотоод гадаадын аялагчдын очих дуртай чиглэл болоод байгаа билээ.

Аяллын хугацаа: 5 шөнө/6 өдөр

Аяллын бүрэлдэхүүн: 8-14 аялагч

Аяллын багц үнэ: 

Аяллын үнэд багтах зүйлс:

• Унааны зардал
• ТХГН руу нэвтрэх зөвшөөрлийн хураамж
• Хөтөч
• Ачаа ачих морьд
• Морь хариуцаж явах хөтөч

Аяллын үнэд ороогүй зүйлс:

• Хоол хүнс
• Майхан
• Гал тогооны хэрэгсэл
• Согтууруулах ундааны зүйлс
• Хувийн бэлтгэлийн зүйлс /гутал, таяг, үүргэвч, ариун цэврийн хэрэглэл гэх мэт/

Аяллын зохион байгуулалт:

Аяллын зохион байгуулагч-аяллын хөтөч дагуулж явах бөгөөд аяллын туршид түүний зааварчилгааны дагуу явагдана. Отоглох /мод, усанд явах, майхан босгох гэх мэт/ хоол хүнсээ хийж боловсруулах зэрэг ажлуудад өөрсдөө гар бие оролцоно. 

Аяллын хөтөлбөр:

1 дэх өдөр:

Улаанбаатар - Тэрэлж чиглэлд унаагаар явж Туул голын  эрэгт бууна. Эндээс явган аялал эхэлнэ. Эхний өдөр Туул голын эрэгт  хоноглоно.

2 дахь өдөр:

Өглөөн хоолны дараа Туул голоо өгсөн явсаар улмаар Хаг, Туул голын бэлчирээр дайрч цааш Хагийн голоо өгсөн явсаар Хагийн хар нуурандаа ирж хоноглоно.

3 дахь өдөр:

Амралт, спорт загасчлал. Нуурыг тойрох аялал. /зөвхөн хүнсэнд хэрэглэх хэмжээгээр/

4 дэх өдөр:

Занабазар гуайн барьж байгуулж байсан Сарьдгийн хийдтэй танилцах аялал.

5 дахь өдөр:

Өглөөний хоолны дараа нуураас хөдөлж Алтан Өлгий уулын Хавиргын давааг даван хоноглоно.

6 дахь өдөр:

Энэ өдөр алхсаар машин дээрээ ирж Улаанбаатар хотод ирснээр аялал өндөрлөнө.

Аялагчийн бэлэн байдал аялагч аль болох гартаа ачаа барихгүйгээр үүргэвчиндээ ачаагаа зөв хуваарилна. Таягтай байхад дэмтэй.	Отоглох өглөөний жижүүр эрт босон галаа түлэн хоол цайгаа бэлдэн хийнэ.
Аяллын зам аяллын замын талаас илүү нь хөвд, хаг, бургас, намаг бүхий бартаатай замаар аялна.	Гол гатлах Зарим тохиолдолд голыг гатлахдаа гуталтай гатлах тохиолдол бишгүй. 2010 он
өнгө алагласан цэцэгс Хэнтийн тайгийн энэ хэсэгт олон төрлийн цэцэгт ургамал их.	Дагуур сараана Улаан номонд орсон нэн ховор ургамал тааралдана.
Хагийн хар нуур Хагийн хар нуур.	Хагийн хар нуур өглөө эртлэн босоход манан татаад нэн үзэсгэлэнтэй.
Зураг авах Байгалийн үзэсгэлэнтэй газруудад зургаа даруулж явна.	Шүүдэр Зарим шөнө голын хөндийд хүйтэн хоноход шүүдэр буусан байна.
Алхалт Алхалтын зай болон хугацааг тухайн өдрийн цаг агаарын болон замын бартаа саад зэрэгтэй уялдуулан хөтөч тогтооно.	Бартаа саад тухайн үедээ эр зориг, тэсвэр тэвчээр шалгах боловч эргээд харахад дурсамж дүүрэн үлддэг.
баавгайн мөр Зэрлэг ан амьтдын өлгий болсон энэ нутагт амьтдын мөрдтэй тааралдана.	Сарьдгийн хийд Анхдугаар Богд Занабазар гуайн Галдан бошигтын цэргээс дутаан энэ тайгад эл хийдийг босгож байжээ. Нийслэл хотыг энд байсан хэмээн зарим эрдэмтэд үздэг. Бага судлагдсан газар.
мөс 6 сарын дунд хүртэл мөстэйгээ байдаг.	Цас орсны маргааш өглөө Нэвсийтэл цас орох ч сайхан шүү
Хавиргийн даваа давж байгаа нь Алтан Өлгий уулыг давж байгаа нь	Хонгорын гол дээгүүр Хонгорын гол дээгүүр харайсан нь
Хагийн эрэгт Хагийн хар нуурын эрэгт. 2009 он	Отог Туулын эрэгт отоглон буудалсан нь 2009 он
Манай туг Цагаан чулуутын мөсөн дээр	Жимээр Тайгад хаг, хөвд ихтэй газар 1 цуваанд орж жимээр явахгүй л бол мөд урагшлахгүй. 2010 он
Амралт дууслаа, явцгаая 1 цаг алхаад 5-10 минут амрах ч бас сайхан шүү. 2009 он